«Քրգործ է հարուցվելու, Աննա Դանիբեկյանը լինելու է գլխավոր ամբաստանյալը». Հայկ Ալումյան

Ռոբերտ Քոչարյանի պաշտպաններից Հայկ Ալումյանն այսօր լրագրողների հետ զրույցի ժամանակ հայտարարեց, որ ՍԴ վերջին որշումը փաստում է, որ Քրեական օրենսգրքի 300.1 հոդվածը հակասահմանադրական է, ուստի, նրա խոսքով, անհասկանալի է դատարանի պահվածքը:

«Մենք 2018-ից անընդհատ ասել ենք, որ սա հակասահմանադրական գործընթաց է: Ստացվում է, որ 2018-ից Ռ. Քոչարյանի նկատմամբ ընթանում է անօրինական քրեական հետապնդում: Էս փաստի առթիվ քրեական գործ լինելու է և սրա մեջ գլխավոր ապացույցներից են լինելու ՍԴ որոշումը և մեր 5 օրվա էս դիմումները, պահանջները, որ անհապաղ պետք է քրեական հետապնդումը դադարեցվի: Աննա Դանիբեկյանը լինելու է այդ գործով գլխավոր ամբաստանյալ»,- հայտարարել է Ալումյանը: