«Թուրքիայի հետ երկխոսության եզրեր դուք կփորձե՞ք գտնել». լրագրողը՝ Անի Սամսոնյանին

«Մեր հնարավորությունները կախված են մեր աշխատանքից, ծրագրից, առաջարկվող լուծումներից, որը կառաջարկենք քաղաքացիներին. քարոզարշավն ունենալու է որոշիչ դերակատարում»,- լրագրողների հետ ճեպազրույցում անդրադառնալով խորհրդարանական առաջիկա ընտրություններին ու ԼՀԿ-ի շանսերին՝ ասաց պատգամավոր Անի Սամսոնյանը:

Հարցին՝ Թուրքիայի հետ երկխոսության եզրեր դուք կփորձե՞ք գտնել, պատասխանեց. «Մենք ծրագիր ենք ներկայացնելու, որտեղ կա անվտանգության և արտաքին քաղաքականության բաղադրիչը, և այդ երկու բաղադրիչով քաղաքացիներին կասենք մեր լուծումների և պատկերացումների մասին: Մենք այս հարցին պետք է մոտենանք շատ հավասարակշռված և հանդարտ՝ առանց պարզունակ մոտեցումների՝ դուրս գալով «Թուրքիան մեր թշնամին է», կամ՝ «Թուրքիան մեր թշնամին չէ» պատկերացումներից»,- հավելեց պատգամավորը: «Ովքեր սպառնում են մեր ֆիզիկական անվտանգությանը և գոյությանը, ինչպե՞ս կարող ես նրանց նկատմամբ բարեկամաբար տրամադրվել»,- եզրափակեց Սամսոնյանը: