Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Համաձա՞յն եք, որ Մարտի 1-ի գործն այսքանով փլուզվեց»․ լրագրողը՝ մեղադրող դատախազին

«Համաձա՞յն եք, որ Մարտի 1-ի գործն այսքանով փլուզվեց»․ լրագրողը՝ մեղադրող դատախազին
279
Երեքշաբթի, 06 ապրիլի, 2021 թ., 19:08

«Դատարանը միայն անդրադարձել է ներածական և եզրափակիչ մասին։ Այս պահին ես չեմ կարող ասել որևէ հղում կատարե՞լ է մեր առարկություններին՝ Սահմանադրական դատարան դիմելու վերաբերյալ, թե ոչ»,-լրագրողների հետ զրույցում ասաց Ռոբերտ Քոչարյանի և մյուսների գործով մեղադրող դատախազ Պետրոս Պետրոսյանը՝ անդրադառնալով դատարանի կայացրած այսօրվա որոշմանը՝ հավելելով, որ դատական ակտին կարող են անդրադառնալ բացառապես այն ստանալուց և պատճառաբանություններին ծանոթանալուց հետո։

Հարցին՝ Դուք համաձա՞յն եք, որ Մարտի 1-ի գործն այսքանով փլուզվեց, դատախազը պատասխանեց․ «Ձեր հարցն այս գործի հետ կապված, կոնկրետ սահմանադրական կարգը տապալելու վերաբերյալ մեղադրանքների մասով մեր դիրքորոշումն արտահայտել ենք։ Արտահայտել ենք, որ ՍԴ-ի կողմից կայացրած որոշումից հետո որոշակի խնդիրներ են առաջացել թե՛ դատախազության՝ իրենց լիազորություններն իրականացնելու, և թե՛ նաև դատարանի կողմից հետագայում տուժողների իրավունքներն ապահովելու տեսանկյունից»։

Հիշեցնենք, որ այսօր դատարանը 300․1 հոդվածով դադարեցրեց քրեական հետապնդումը Ռ. Քոչարյանի, Ա. Գևորգյանի, Ս. Օհանյանի, Յ. Խաչատուրովի նկատմամբ։

«Համաձա՞յն եք, որ Մարտի 1-ի գործն այսքանով փլուզվեց»․ լրագրողը՝ մեղադրող դատախազին