«Պետք է ընդունել, որ որոշ հարցերում, այո՛, ունենք ձախողումներ»․ Ռուստամ Բադասյան

«Ընդհանրապես քաղաքական նպատակը եղել է թե՛ տեղի ունեցած ցավալի իրադարձությունների բացահայտումը, թե՛ դատաիրավական բարեփոխումները, անկախ դատական համակարգի ստեղծումը, թե՛ հակակոռուպցիոն բարեփոխումները, զրո հանդուրժողականությունը կոռուպցիայի նկատմամբ, և կարծում եմ, որ առնվազն հանրային ընկալում կա, թե այս ոլորտներում դանդաղկոտություն ենք ցուցաբերել»,- այսօր լրագրողների հետ ճեպազրուցում անդրադառնալով Ռոբերտ Քոչարյանի և մյուսների նկատմամբ 300․1 հոդվածով քրեական հետապնդումը դադարեցնելու դատարանի որոշմանը, ասաց, արդարադատության նախարար Ռուստամ Բադասյանը։

«Ես չէի ուզի արդարանալ, որովհետև բացարձակ կարևոր չի, թե ինչ փաստարկներ կբերվեն․․․ Չի կարելի բոլոր հարցերի պատասխանն ակնկալել քաղաքական իշխանությունից, բայց կարծում եմ, որ հանրության հետ հարաբերություններում պետք է ազնիվ լինել և պետք է ընդունել, որ որոշ հարցերում, այո՛, մենք ունենք ձախողումներ»,- հավելեց նախարարը։