«Հայաստանը կռացրել է տարածաշրջանային «հավալայի» զոհի կարգավիճակում». Սոս Հակոբյան

«Հայրենիք» կուսակցության մամուլի քարտուղար Սոս Հակոբյանը ֆեյսբուքյան իր էջում գրել է. «Սիրտդ մղկտում է, երբ տեսնում ես Ն.Փ.-ին դեմ առ դեմ Պուտինի հետ: Եվ խնդիրը նրա անմխիթար ռուսերենը չէ, գուլպաների մեջից կախված կոշիկի քուղերը չեն, պիջակի աթոռից կախված փեշն էլ չէ: Խնդիրը, նույնիսկ, հիշյալ չարիքի նկատմամբ արտահայտված վատ վերաբերմունքս չէ:
Խնդիրը Հայաստանի մեղկությունն ու անճարությունն է, որը ցայտուն դրսևորվում է, անգամ, դաշնակցային երկրում: Ժամանակի լկտի ինքնավստահությամբ հանդես եկողը Հայաստանը կանգնեցրել է, ավելի շուտ, կռացրել է տարածաշրջանային «հավալայի» զոհի կարգավիճակում:
Մեր մեջքը կամաց-կամաց ուղղելու, Հայաստանի հետ հարաբերվելու տոնայնությունը փոխելու միակ հնարավորությունը նոր քաղաքական ղեկավարության ձևավորումն է:
«Հայրենիքը», որպես նոր քաղաքական ուժ, հարուստ լինելով պետական կառավարման համակարգում փորձ և գիտելիքներ ունեցող մարդկանցով, հասնելու է Հայաստանի քաղաքական վերակենդանացմանը:
Ուժեղ Հայաստանի հեռանկարը լինելու է, քանի դեռ մեր երկրում կան այդ գաղափարը կրող նվիրյալներ, որոնք իրենց հայրենիքի հաշմանդամության հետ երբեք չեն մերվելու:
Հայրենիքի համար ամեն ջանք քիչ է...