Գերիների ու անհետ կորածների ծնողներն արգելեցին լրագրողներին նկարահանել

Էրեբունի օդանավակայանի տարածքում հավաքվածները մեծ հիասթափություն ու զայրույթ ապրեցին՝ տեղեկանալով, որ Բաքվից եկող ինքնաթիռն, ամենայն հավանականությամբ, հայ գերիներ չի բերել:

Նրանք նախ որոշեցին գնալ ու միանալ ՊՆ շենքը պաշարած այն մարդկանց, ում երեխաները գերի են կամ անհետ կորած: Սակայն մինչ այդ նրանք կշտամբեցին ուղիղ եթեր ապահովող լրագրողներին՝ նրանց մեղադրելով իրենց երեխաների անվտանգ վերադարձը վտանգելու մեջ: «Ինչ մի լավ բան կա, որ նկարում եք, կարող ա ձեր նկարելով իմ երեխու կյանքն եք էնտեղ վտանգում»,- ասաց գերիներից մեկի մայրը:

Կարճ ժամանակ անց, ծնողների պահանջով, լրագրողները դադարեցրին իրենց աշխատանքը: