«Որևէ թիզ հող երբեք չի կարող փոխանակվել մարդկանց հետ». Հրանտ Բագրատյան

«Ալիևն անում է սովորական խուլիգանական շանտաժ, բայց եթե ՀՀ ղեկավարը լինեմ ես, կամ այլ լուրջ մարդ, Ալիևը կհասկանա, որ չի կարող այդպես անել: Գերիների հարցը որևէ կապ չունի Սյունիքով ճանապարհ տալու հետ»,- ասուլիսի ժամանակ հայտարարեց ՀՀ նախկին վարչապետ Հրանտ Բագրատյանը: «Ոչ մեկի մտքով չանցնի, թե ճանապարհ չենք տալիս, Ալիևը գերիներին չի տալիս: Ալիևը պարտավոր է գերիներին տալ... Ինձնից ուզում են նեղանան, ուզում են՝ չէ, բայց որևէ թիզ հող երբեք չի կարող փոխանակվել մարդկանց հետ»,- հավելեց նախկին վարչապետը՝ անդրադառնալով լուրերին, ըստ որի՝ Ադրբեջանը սրում է գերիների հարցը՝ նրանց դիմաց հող պահանջելու համար: