«Պատերազմի օրերին Սերբիան Ադրբեջանին զե՞նք է մատակարարել, տեղեկություն ունե՞ք». Մելքումյանը` փոխնախարարին

ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում Միքայել Մելքումյանի նախագահությամբ քննարկվեց ««Եվրասիական տնտեսական միության և իր անդամ պետությունների՝ մի կողմից, և Սերբիայի Հանրապետության՝ մյուս կողմից, միջև ազատ առեւտրի մասին» համաձայնագիրը վավերացնելու մասին» օրենքի նախագիծը:

Ըստ համաձայնագրի՝ Սերբիան սակագնային պարտավորությունների առնչությամբ ԵԱՏՄ անդամ պետություններին տրամադրում է շուկայի համակցված մուտքի ռեժիմ, հանումների ցանկեր, որոնք անհատական են ԵԱՏՄ անդամ յուրաքանչյուր պետության համար՝ գործող երկկողմ համաձայնագրերի համեմատ մուտքի պայմանների չվատթարացումը ապահովելու նպատակով: ՀՀ արտադրողները, ինչպես և ԵԱՏՄ անդամ մյուս պետությունները, կստանան սերբական շուկա մուտքի որակյալ պայմաններ:

Դիմելով ՀՀ էկոնոմիկայի նախարարի տեղակալին՝ Միքայել Մելքումյանը հետաքրքրվեց. «Տեղեկատվություն ունե՞ք, որ պատերազմի ընթացքում Սերբիան Ադրբեջանին զենք է մատակարարել: Դա լուրջ բան է: Էլի վավերացնենք, բայց հասկանանք՝ դա մեզ ինչ է տալու»: