«Հայ գերիների վերադարձը Ռուսաստանի համար առաջնահերթ հարցերից է»․ Կոպիրկին

Ադրբեջանում գտնվող հայ գերիների վերադարձը Ռուսաստանի համար առաջնահերթ հարցերից է։ Այս մասին «Մոսկվայի տանը» լրագրողների հետ ճեպազրույցում ասել է ՀՀ-ում ՌԴ դեսպան Սերգեյ Կոպիրկինը։

«Գերիների խնդրի մասին խոսում են թե՛ մեր ղեկավարությունը, թե՛ խաղաղապահները։ Տարվում են աշխատանքներ, կա որոշակի առաջընթաց։ Գերիների հարցը Ռուսաստանի համար առաջնահերթ հարցերից է»,- ասել է նա։

Նա հաստատել է, որ գերիների վերադարձի ուղղությամբ շարունակելու է զբաղվել գեներալ-լեյտենանտ Ռուստամ Մուրադովը։

Անդրադառնալով Ադրբեջանի այն հայտարարություններին, որ գերիների հարցն արդեն լուծված է, դեսպանն ասել է․ «Ինձ համար բարդ է Ադրբեջանի հայտարարությունները մեկնաբանելը, ինչքանով ինձ է հայտնի, Ռուսաստանը շարունակում է աշխատանքները»: