«Ռուս-թուրքական բախումն անխուսափելի է». Կարեն Հովհաննիսյան

Ռազմագետ Կարեն Հովհաննիսյանը ֆեյսբուքյան իր էջում գրել է. «Ռուս-թուրքական բախումն անխուսափելի է։

Պարզապես հիմա այնպես է, որ ՌԴ-ն ցանկություն չունի ուղիղ բախման գնալ, ամեն ինչ անում է, որպեսզի չլինի այդ բախումը։ Սակայն Թուրքիան այդ տրամադրությամբ չէ։ Թուրքիան հիմա ամեն ինչ անում է, որպեսզի իր ազդեցության ոլորտներն ընդլայնի՝ ի հաշիվ ՌԴ-ի ազդեցության ոլորտների։ Ի դեպ, այնպիսի տարածաշրջաններում, որոնք ավանդաբար եղել են ռուսական ազդեցության ոլորտի շրջանակներում, որոնք ուղիղ կապ ունեն Ռուսաստանի Դաշնության սահմանների անվտանգության հետ։

Հենց սա է այն կարմիր գիծը, որն ուզած թե չուզած տանելու է բախման և ՌԴ-ն որքան էլ այս պահին պատրաստ չլինի, միևնույն է այդ բախումը տեղի է ունենալու։

Այստեղ այլ հարց է, թե ինչ ժամանակագրությամբ է այն լինելու, քանի ճակատով է լինելու։ Արդյո՞ք օրերի հարց է, թե՞ ամիսների․․․»: