Լարված իրավիճակ Շիրակի մարզպետարանում. ԱԱԾ աշխատակիցները բանակցում են գերիների հարազատների հետ

Այս պահին լարված իրավիճակ է Շիրակի մարզի մարզպետարանում: Գերեվարված ու անհետ կորած զինծառայողների հարազատները փակել են շենքի մուտքն ու չեն թողնում, որ աշխատակիցները, այդ թվում՝ մարզպետը, տուն գնան: Ոստիկանները փորձել են դուրս հանել նրանց՝ ուժ կիրառելով: Ոստիկանական գործողությունների արդյունքում կանանցից մեկը վնասվածքներ է ստացել. կանչով ժամանել են շտապբուժօգնության ծառայության աշխատակիցները: Տեղի ունեցած վիճաբանության ու քաշքշուկի պատճառով կան գույքային վնասներ:

Այս պահին ԱԱԾ աշխատակիցները փորձում են բանակցել հարազատների հետ, որոնք պահանջում են հանդիպում ՀՀ վարչապետ Նիկոլ Փաշինյանի և ՀՀ պաշտպանության նախարար Վաղարշակ Հարությունյանի հետ: