Չորեքշաբթի, 24 ապրիլի, 2024 թ.
|
Ստեփանակերտում`   +19 °C

Բրեդ Փիթն ու Զենդեյան կդառնան «Օսկար 2021» մրցանակաբաշխության հաղորդավարները

Բրեդ Փիթն ու Զենդեյան կդառնան «Օսկար 2021» մրցանակաբաշխության հաղորդավարները
4060
Երեքշաբթի, 13 ապրիլի, 2021 թ., 22:32

«Օսկար 2021» մրցանակաբաշխության հաղորդավարները կլինեն հոլիվուդյան դերասան Բրեդ Փիթն ու դերասանուհի Զենդեյան: Այս մասին կազմակերպիչները հայտնել են իրենց Instagram-ի էջում։
Մրցանակաբաշխությանը կմասնակցեն նաև Հոլի Բերին, Հոաքին Ֆենիքսը, Լորա Դերնը, Ռենե Զելվեգերը, Ռիզ Ուիզերսփունը, Հարիսոն Ֆորդը: Նրանք պետք է ոսկե արձանիկներ հանձնեն դափնեկիրներին։
2021 թվականի Օսկարի» 93-րդ մրցանակաբաշխությունը տեղի կունենա ապրիլի 26-ի գիշերը՝ առկա ձևաչափով։ Միջոցառման մասնակիցների մոտ կստուգեն COVID-19-ի առկայությունը։
Ավելի վաղ հաղորդվել էր նաև, որ «Օսկարը» կընթանա Լոնդոնում և Փարիզում՝ հանուն առկա ձևաչափի: Ինչպես հայտարարել են պրոդյուսերները, 2 լրացուցիչ հարթակ ավելացնելու որոշումն ընդունվել է այն մտավախությունների ֆոնին, որ Եվրոպայում կորոնավիրուսի հետ կապված իրավիճակի վատթարացման պատճառով արարողության որոշ հյուրեր չեն կարողանա ժամանել ԱՄՆ: