Ուրբաթ, 22 սեպտեմբերի, 2023 թ.
|
Ստեփանակերտում`   +17 °C

«Առաջիկա ընտրությունները ռուսական ծրագիր են՝ փրկելու գաղութային Հայաստանը». Վահագն Ավագյան

«Առաջիկա ընտրությունները ռուսական ծրագիր են՝ փրկելու գաղութային Հայաստանը». Վահագն Ավագյան
207
Չորեքշաբթի, 14 ապրիլի, 2021 թ., 20:04

«Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է․ «Անհայրենիք ռուսաթուրք ամբոխի խրախճանքը հանդուրժել ես չեմ ցանկանում։
Ֆեյսբուքյան գրառումներով ու բողոքներով այս կեղտը չի մաքրվելու։ Ֆեյսբուքյան ընկերներիս մոտ ցավալիորեն նկատում եմ թե՛ հուսահատություն, թե՛ անկարողություն, թե՛ անվերահսկելի ատելություն։
Ողջախոհություն ու հանգստություն բոլորիս։ Մեր խնդիրների քաղաքակիրթ լուծումը մեր քաղաքական միավորման ու պահանջներին հետամուտ լինելու մեջ է։
Հոգեխանգարված վիժվածքի դատարկախոսության ու ստի շուրջ մտորումներն ու նրան սխալ հանելու հիվանդագին մոլուցքը մեզ միայն ընկղմելու է այդ հիվանդության գիրկը։ Ըստ էության, մենք վարակվում ենք այդ խելագարությամբ, մեզ պատանդը դարձնելով այս չարիքի ոչ մի ելք չունեցող լաբիրինթոսում։
Բավականաչափ խոսվել ու ասվել է նաև քաղաքական շրջանակների մասին։ Հին, երիտասարդ ու անգամ նորաստեղծ կուսակցությունները, որ հայտ են ներկայացնում հայ ժողովրդի այս արյունոտ խրախճանքում իրենց «հերթն» ունենալ, որոնք սեփական ամբիցիաների բավարարումն իրենց մանիֆեստ հորջորջվող թղթի կտորների վրա արտահայտում են «անկախ Արցախի», «Արցախի ժողովրդի» և նմանատիպ այլ կրեմլաթուրքական հայեցակարգերի սպասարկմամբ, ովքեր կապիտուլյանտի կետից քարոզում են անհասկանալի ներքին ու արտաքին «խաղաղություններ» դեռ առաջին քաղաքական քայլերը չկատարած՝ վիժելու են ու սատկեն հավերժ հայ ժողովրդի ոտքերի տակ։
Այս չհասած քաղաքական աղբը չծնված անցյալում պիտի մնա։
Առաջիկա ընտրությունները ռուսական ծրագիր են՝ փրկելու գաղութային Հայաստանը և սպանելու անկախ Հայաստանի հույսը։
Այդ կրկեսը հայ ժողովրդի խնդիրները չի լուծելու և հայությունը իր խնդիրները փնտրելու է փողոցում։
Հետևաբար, ինչո՞ւ պետք է ողջախոհ մարդիկ սպասեն ամիսներ, իրենց քաղաքական քայլերը ձեռնարկելու համար։
Եկեք ապրիլ 16-ը դարձնենք հայկական պետականության ստեղծման օրերից մեկը։
Ոչ նախկին, ոչ ներկա, ազգային ապագա»: