Հայտնի է՝ ի՞նչ են քննարկել Հայաստանի ու Վրաստանի նախագահները

Հայաստանի և Վրաստանի նախագահները՝ Արմեն Սարգսյան ու Սալոմե Զուրաբիշվիլին ներդրումների ներգրավման հետ կապված մի շարք նախաձեռնություններ են քննարկել։ Վրաստանի նախագահն այդ մասին հայտարարել է հայ գործընկերոջ հետ համատեղ ճեպազրույցի ժամանակ։
«Մենք քննարկել ենք երկկողմ հարաբերությունների ամրապնդման, տնտեսության, զբոսաշրջության և մշակույթի ոլորտներում նախագծերի իրականացման հարցերը», – նշել է Զուրաբիշվիլին:
Նրա խոսքով՝ դեմ առ դեմ հանդիպման ընթացքում քննարկվել են այն նախաձեռնությունները, որոնք կարող են ընդունվել նախագահների մակարդակով։ Խոսել են հայ-վրացական նախագծերի իրականացման համար բիզնեսին աջակցելու մասին։
«Քննարկումները կշարունակվեն, և մենք կփորձենք կոնկրետ արդյունքների հասնել», - ասել է Վրաստանի նախագահը:
Զուրաբիշվիլին հպարտացել է, որ Վրաստանում բնակվող հայազգի քաղաքացիները բոլոր միջոցներն օգտագործում են մայրենի լեզուն ու մշակույթը պահպանելու համար: Նա նաև ընդգծել է, որ պետք է պայմաններ ստեղծվեն, որպեսզի նրանք յուրացնեն պետական լեզուն, ինտեգրվեն երկրի քաղաքական և սոցիալ-տնտեսական կյանքին:
Բացի այդ, Հայաստանի և Վրաստանի նախագահները խոսել են տարածաշրջանում տիրող իրավիճակի մասին։ Զուրաբիշվիլին ընդգծել է, որ խաղաղությունն ու համագործակցությունը անհրաժեշտ պայմաններ են Հարավային Կովկասի զարգացման համար:
Կողմերը մտքեր են փոխանակել նաև Հարավային Կովկասի ներուժի, տարածաշրջանային նոր հարթակների դերի, ինչպես նաև Ուկրաինայի իրավիճակի վերաբերյալ:
Զուրաբիշվիլին ընդգծել է, որ ուրախ է Սարգսյանի այցի համար, որը նախատեսված էր դեռ համավարակից առաջ։

ՊԵԿ-ը հայտարարություն է տարածել
35517.11.2026, 12:00
«Թափառող շների՝ մարդկանց, այդ թվում՝ երեխաների վրա պարբերաբար հարձակումների խնդիրն ավելի է սրվել»․ ՄԻՊ
35617.11.2026, 10:24
Արարատ Միրզոյանը ԵՄ-ում ներկայացրել է «ԹՐԻՓՓ»-ի իրականացման ուղղությամբ Հայաստանի քայլերը
41416.11.2026, 19:24
Արգամ Աբրահամյանի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին
41516.11.2026, 16:54
«Անթաքույց բռնությունն ու վիրավորանքը չեն կարող արդարացվել թեժ քննարկմամբ կամ ձևական անաչառությամբ»․ ՀՌՀ
30316.11.2026, 14:06
ՍԴ փոխնախագահ է ընտրվել Արթուր Վաղարշյանը
29716.11.2026, 13:18
Նիկոլ Փաշինյանը Պնոմպենում կմասնակցի Ֆրանկոֆոնիայի միջազգային կազմակերպության 20-րդ գագաթնաժողովին
49814.11.2026, 11:40
Հայտնի է, թե որ համարների ներքո հանդես կգան դեկտեմբերի 13-ի ՏԻՄ ընտրություններին մասնակցող ուժերը
50114.11.2026, 10:42