«Զրահաբաճկոններ, կասկաներ. 2,5 տարին բավարար չէ՞ր սրանք ունենալու համար». Անի Սամսոնյան

ԼՀԿ-ական պատգամավոր Անի Սամսոնյանն այսօր ԱԺ-ում ելույթի ժամանակ անդրադարձավ Հուլիսյան մարտերից հետո՝ օգոստոսի 28-ին վարչապետ Փաշինյանի հայտարարություններին, որոնք, ըստ ընդդիմադիր գործչի, մեծ վնաս են հասցրել մեր պետությանը արտաքին քաղաքականության համատեքստում, ինչպես նաև՝ նսեմացվել է ԵԱՀԿ Մինսկի խմբի դերը Արցախյան խնդրի կարգավորման հարցում:

«Այս ամբիոնից մեզ փորձ է արվում համոզել, որ երեք տարին բավական չէ բանակում բարեփոխումներ անելու համար»,- ասաց Սամսոնյանը: «Բանակի համար տարրական պայմանները՝ զրահաբաճկոններ, կասկաներ... 2,5 տարին բավարար չէ՞ր, ինչո՞ւ մենք պետք է պատերազմի ժամանակ կոպեկ առ կոպեկ փող հավաքեինք, նաև մեր սփյուռքահայերը փող ուղարկեին, որ այս հարցը լուծեինք: Դուք կամուֆլյաժը հագած գնում էիք Արցախ, դիրքերում լուսանկարներ էիք անում, ասում էիք՝ Արցախը, Աղդամը մեր հայրենիքն է, բայց ժամանակը մեզ ցույց տվեց, թե այդ ցուցամոլությունն ինչի հանգեցրեց»,- հայտարարեց Սամսոնյանը: