«Անասնական վախ էր. իշխանությունը փակված էր տներում, վախենում էր դուրս գալ». Գևորգ Գորգիսյան

«Ես երեկ, այսօր նայում եմ Կառավարության անդամներին, նայում եմ վարչապետին, տեսնում իշխանական պատգամավորներին ու նրանց խոսքում, վարքում չեմ տեսնում մեղքի զգացողության մի՛ նշույլ, մի՛ գրամ»,- ԱԺ-ում հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը:

Նրա խոսքով՝ իշխանության «ամբարտավանությունը մի փոքր դադարեց միայն պատերազմից անմիջապես հետո». «Պարզվեց՝ դա ոչ թե խնդիրների գիտակցումն է, այլ՝ անասնական վախն էր սեփական ժողովրդից. փակված էին տներում, վախենում էին նույնիսկ տնից դուրս գալ, վախենում էին զանգերին պատասխանել: Վախն անցավ ու մարդիկ վերադարձան իրենց բնորոշ հռետորաբանությանը, հոխորտացող կեցվածքին: Այս կառավարության հետ Հայաստանը չունի առաջ գնալու որևէ հույս, որևէ հնարավորություն, որովհետև կառավարությունն առաջին հերթին ազնիվ չէ»,- ասաց Գորգիսյանը: