««Իմ քայլի» պատգամավորներն ասել են՝ Մարուքյանի ձեռը հանձնաժողով ընկավ, սաղս կդատվենք». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօրվա ելույթի ժամանակ անդրադարձավ փոխխոսնակ Լենա Նազարյանի այն հայտարարությանը, թե Մարուքյանը փորձում է ճշմարտությունը թաղել՝ ամեն ինչում մեղադրելով իշխանությանն ու մասնավորապես՝ Նիկոլ Փաշինյանին:

«ԼՀԿ-ն առաջին իսկ օրից սկսած էն գծի մեջ ա եղել, որ եկեք ստեղծենք պարիտետային փաստահավաք խումբ, մեղավորներին բացահայտենք: Ոչ թե մեկին մեղավոր նշանակենք՝ անպայման պատժելու իմաստով, այլ՝ որ թույլ տրված սխալներից դասեր քաղենք: Ձեր խմբակցությունից դուրս եկած պատգամավորներն ինձ տեղեկացրել են, որ ասել են՝ էդ Էդմոն Մարուքյանի առաջարկը չպետք ա ընդունել, դրա ձեռը հանձնաժողով ընկավ, սաղս կդատվենք, մինչև վերջ կբացահայտի...: Հա՛մ էդքան բանը գիտեք, հա՛մ ասում եք՝ ճշմարտություն եմ թաղո՞ւմ: Ո՞վ ա ճշմարտություն թաղում»,- ասաց Մարուքյանը: