«Արցախի Մաճկալաշեն համայնքը պատրաստ է ընդունելու նոր վերաբնակիչների». համայնքապետ
![]() 340 Շաբաթ, 17 ապրիլի, 2021 թ., 19:44 ԱՀ Մարտունու շրջանի Մաճկալաշեն համայնքը պատրաստ է ընդունելու նոր վերաբնակիչների. այժմ գյուղում ապրում է չորս ընտանիք. մեկը՝ Շեխեր համայնքից, իսկ երեքը՝ Հադրութի շրջանից: Այս մասին «Արցախպրես»-ի թղթակցի հետ զրույցում ասել է Մաճկալաշենի համայնքի ղեկավար Լեռնիկ Ավանեսյանը: Նրա խոսքով՝ պատերազմից հետո գյուղացիների 95 տոկոսը հետ է վերադարձել: Խոսելով համայնքի մասին՝ մեր զրուցակիցը տեղեկացրել է. «Մաճակալաշենում գործում է դպրոց, որտեղ հաճախում է 45 աշակերտ։ Ունենք մանկապարտեզ՝ 20 երեխաներով: Բնակիչները հիմնականում զբաղվում են գյուղատնտեսությամբ, անասնապահությամբ: Ցավոք սրտի, 280 հա վարելահող մնացել է թշնամու վերահսկողության ներքո: Մեր վերահսկողության ներքո գտնվող 102 հա տարածքներում ցանվել է հիմնականում ցորեն: Ունենք 25 հա խաղողայգի. Գյուղացիների մի մասն աշխատում է այդ այգիներում: 150 հա արոտավայր նույնպես անցել է թշնամուն: Ներկա դրությամբ կրակոցներ չենք լսում»։ Մաճկալաշեն համայնքի տարածքում է գտնվում Ամարասի վանքը: Խոսելով Ամարասի վանք այցելողների մասին՝ Լ. Ավանեսյանը նշել է, որ աշխատանքային օրերին նրանց թվաքանակը քիչ է լինում, կիրակի օրերին՝ նկատելիորեն շատ։ Վանքում պատարագ մատուցվում է հենց կիրակի օրերին։ Լ. Ավանեսյանը ավելացրել է նաև, որ Կարմիր խաչի միջազգային կոմիտեն հերթական անգամ այցելել է իրենց համայնք՝ գյուղում վերաբնակություն հաստատած 4 ընտանիքների և երկու համայնքաբնակ անօթևան ընտանիքների տրամադրելով բանջարաբոստանային մշակաբույսերի սերմեր և գյուղատնտեսական գործիքներ։ Գյուղապետը շնորհակալություն է հայտնել ԿԽՄԿ-ի աշխատակիցներին՝ իրենց համյանքի բնակիչներին ուշադրության կենտրոնում պահելու համար: |
«Մայր Աթոռը ոչ Ռադիոն է, որ դուռը կոտրեք մտնեք, ոչ էլ հրապարակը՝ որ խորոված անեք, լափեք»․ Նիկողոս Հովհաննիսյան
5411:1228 տարի հետախուզվող կինը հայտնաբերվել է «Զվարթնոց» օդանավակայանում
13510:18Պետական ապարատում արգելել են խունկ վառել. «Հրապարակ»
17009:30Ո՞վ է Նիկոլ Փաշինյանի «սրտի» Կաթողիկոսի «թեկնածուն». «Ժողովուրդ»
23808:54Սպասվում է բարձր կարգի հրդեհավտանգ իրավիճակ (լուսանկար)
6908:24«Հիմա քպ-ականները, որ ուզենան հուղարկավորեն իրենց հանգուցյալներին, էլ քահանա չե՞ն կանչելու». Շպռոտ
20704:18«5 տարում Երևանի մեքենաների 90%-ը պետք է լինեն էլեկտրական». Վահան Բաբայան
14903:18«Ասում են՝ Արցախ չկա, մոռացեք, մենք մաքրում ենք վերջին հետքերը». Հակոբ Հակոբյան
36202:12