Հինգշաբթի, 19 նոյեմբերի, 2026 թ.
|
Ստեփանակերտում`   +9 °C

ԵԽԽՎ–ն նոր բանաձև է ընդունել

ԵԽԽՎ–ն նոր բանաձև է ընդունել
355
Երեքշաբթի, 20 ապրիլի, 2021 թ., 00:44

ԵԽԽՎ-ում ապրիլի 19–ին ընդունվել է բանաձև, որում վեհաժողովի մասնակից երկրներին կոչ են անում լրջորեն քննարկել ատելության հռետորաբանության հետ կապված սպառնալիքները, որոնց դիմում են պետական սուբյեկտներն ու խորհրդարանականները։ Նշվում է, որ այդ հռետորաբանությունն ազգային փոքրամասնություններին ավելի խոցելի է դարձնում խտրականության և բռնության համար։

Վեհաժողովը նաև կոչ է անում զերծ մնալ ատելության խոսքից և լրացուցիչ միջոցներ ձեռնարկել թշնամանք հրահրելու կամ ատելության հողի վրա հանցագործությունների դեմ պայքարելու համար, որոնք կատարվում են ազգային փոքրամասնություններին պատկանող անձանց դեմ:

Քննարկման բոլոր մասնակիցները հավանություն են տվել այդ բանաձևին:

Նշենք, որ նիստի նախագահը նաև մի քանի անգամ կարգուկանոն հաստատելու կոչ է արել Հայաստանի և Ադրբեջանի պատգամավորներին, որոնք ազգային փոքրամասնությունների քննարկումից անցել են փոխադարձ քննադատության Լեռնային Ղարաբաղի հակամարտության թեմայով: