«Էսօր մեր երկրին պետք ա զենք ու փող. թուրքը գալիս ա». Արմեն Բիլյան

«Էսօր ամբիցիաների խնդիրը չի, էսօր մեր երկրին պետք ա զենք ու փող: Մեր երկրին պետք չեն պուպուշ ծրագրեր: Թուրքը գալիս ա, պատերազմը չի ավարտվել, թուրքի ախորժակը մեծացել ա: Թուրքը հայի թշնամին ա ու միշտ էլ լինելու ա: Ներում չկա թուրքին»,- ասել է «Սասնա ծռեր» խմբավորման անդամ Արմեն Բիլյանը՝ հավելելով, որ հինգ տարի սպասում էր, որ իր խոսքը հասանելի լինի: «Դաշնակից պետք ա փնտրել, բայց պետք չի գնաս տեր փնտրես ու ստրուկ դառնաս: Դաշնակից՝ հավասարը հավասարի վրա: Ցավոք, չենք կարողացել մի հատ դաշնակից փնտրել ու հասկանալ՝ ոնց աշխատել: Դաշնակիցներն էլ իրենց շահերն ունեն, բայց դու պետք ա կարողանաս մեկտեղել քոնը ուրիշների հետ»: Հարցին՝ որևէ կուսակցության կազմում կմասնակցի՞ ԱԺ խորհրդարանական արտահերթ ընտրություններին, ասել է. «Չգիտեմ՝ արտահերթ ընտրություններ լինելու են, թե չէ, բայց վստահ եմ, որ մայիսի մեկին լուր կլսենք արտահերթի հետ կապված»: Նա հավելել է, որ ՀՀ-ին պե՛տք են արտահերթ ընտրություններ: