«Չմտածված արտահայտությունները կարող են վիրավորել հայերի վաղեմի բարեկամ հնդիկ ժողովրդի զգացումները». Նիկա Բաբայանը՝ Գանդիի արձանի մասին

«Կանադս» երաժշտության կենտրոնի հիմնադիր և գործադիր տնօրեն Նիկա Բաբայանը ֆեյսբուքյան իր էջում գրել է. «ԳԱՆԴԻԻ ԱՐՁԱՆԻ ԿԱՊԱԿՑՈՒԹՅԱՄԲ
Երևանում տեղադրվեց Գանդիի արձանը։ Նրա կյանքը և կենսագրությունը պարունակում են իրարամերժ փաստեր, տեղեկություններ և մեկնաբանություններ։
Մի բանը անհերքելի է՝ Գանդին վայելում է իր հայրենակիցների ինչպես նաև համաշխարհային հանրության բարձր հարգանքը և սերը։
Արձանն արդեն տեղադրված է, այն ապամոնտաժելու պահանջը անհեթեթ կհնչի։ Ու լավ կլինի այդ անձի և հուշարձանի շուրջ խոսակցությունները չվերածել քաղաքական սպեկուլյացիաների։
Չմտածված արտահայտությունները կարող են վիրավորել հայերի վաղեմի բարեկամ հնդիկ ժողովրդի զգացումները ու վնասել Հնդկաստանի ու Հայաստանի սերտացման գործընթացին։
Խնդրում եմ բոլորին գտնվել խելացի և տեսնել եղածի մեջ միայն դրականը. մենք Հնդկաստանի հետ պարտավոր ենք ունենալ ամենաբարձր մակարդակի դիվանագիտական, գիտական, մշակութային և հատկապես զինվորական համագործակցություն»։