Ստեֆան Շենեխը ԵԽԽՎ-ում Ադրբեջանին կոչ է արել առևտուր չանել գերիների հարցում

Ինչպես արդեն հայտնել ենք, Եվրոպական խորհրդի խորհրդարանական վեհաժողովում այսօր քննարկվում է Ադրբեջանում պահվող հայ գերիների և տեղահանվածների հարցը: Պատգամավոր Ստեֆան Շենեխն իր խոսքում հակամարտության կարգավորման ու խաղաղության կոչ է արել: «Ադրբեջանում դեռևս կան մարդիկ, որոնք անհետ կորած են, կան մեծ թվով զինծառայողներ, որոնք գերի են Ադրբեջանում: Բազմաթիվ քաղաքացիական անձինք են զոհվել պատերազմի ընթացքում, և կարևոր է հարգանքով վերաբերվել հակառակորդին, գնալ խաղաղության: Խնդրում եմ, կոչ եմ անում Ադրբեջանին՝ եկեք առևտուր չանենք՝ արդյոք զինծառայողները գերեվարվել են պատերազմից առաջ, թե հետո: Պետք է նրանց վերադարձնել տուն»,- ասել է պատգամավորը: