Ոստիկանները բերման ենթարկեցին Կառավարության շենքի դարպասներից իրենց շղթայած քաղաքացիներին

Ինչպես արդեն հայտնել ենք, մի խումբ քաղաքացիներ բողոքի ակցիա են իրականացնում Կառավարության շենքի դիմաց: Նրանցից մի քանիսն իրենց շղթայել էին դարպասներից:

«Այնպես ենք արել, որ Նիկոլ Փաշինյանը մաքսիմալ դժվարությամբ մուտք գործի Կառավարության շենք, այս շենքն իրեն չի պատկանում»,- ասաց ակցիայի մասնակիցներից մեկը՝ նշելով, որ սոսնձով փակել է ձեռնաշղթայի բանալու անցքը։

Քիչ առաջ ոստիկանները հանեցին քաղաքացիների ձեռնաշղթաները և նրանց բերման ենթարկեցին։