«Դադարեցնում ենք ակցիան. ոստիկան է վատացել». Արծվիկ Մինասյան

ՀՅԴ ԳՄ անդամ Արծվիկ Մինասյանը, քիչ առաջ դիմելով Դատախազության շենքի մոտ հավաքված ցուցարարներին խնդրեց, որ դադարեցնեն բողոքի ակցիան:

«Մեր պայքարը հավիտենական է ու մեր պայքարը շարունակական է, ուղղակի այս պահին մենք խնդրում ենք դադարեցնել ակցիան, որովհետև ոստիկանը վատացել է: Առողջություն ցանկանանք նրան, նա մեր քաղաքացին է, մեր հայրենակիցը: Ես խնդրում ենք ձեզ, որ մեր պահանջների տերը լինենք»,- ասաց Մինասյանը:

Ավելի վաղ հայտնել էինք, որ ցուցարարների և ոստիկաններրի միջև բախում տեղի ունեցավ, ինչի հետևանքով ոստիկան էր տուժել:

Մինասյանը քաղաքացիներին հորդորեց մեկ–երկու քայլ հետ գնալ ոստիկաններից՝ ասելով, որ քիչ անց կզբաղվեն բերման ենթարկվածների հարցով։