«Իշխող ուժը ճիգեր է գործադրում մեղքը բարդել «բանակը թալանած նախկինների» վրա». Սենոր Հասրաթյան
 297 Ուրբաթ, 23 ապրիլի, 2021 թ., 10:48 Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Երկիրը խայտառակ պարտության հասցնելուց հետո, իշխող ուժը ճիգեր է գործադրում կատարվածի մեղքը բարդել «բանակը թալանած նախկինների» վրա, իսկ որոշ «հեռատես» տեսաբաններ դրանում մեղադրում են մեր ռազմավարական դաշնակցին... Սյունիքում տուն ու տեղ կորցրած կամ կորցնելու վտանգի տակ հայտնված քաղաքացին ոտքի է ելնում մարզ այցելած, իր տունը հանձնողի դեմ, իշխանության մանկլավիկներն այն «կազմակերպելու» մեջ մեղադրում են «նախկիններին», իսկ «հեռատես» տեսաբանները՝ այդ ամենը կապում «դրսի ուժերի» հետ... Ադրբեջանի նախագահն աշխարհով մեկ ազդարարում է «101 տարի հետո Զանգեզուրը ցանկացած գնով հետ բերելու մասին», իշխանությունը սեփական ժողովրդին «համոզում» է, որ դա «ճանապարհային կոմունիկացիաների» բացում է, իսկ «հեռատես» տեսաբաններն այն որակում են «Հայաստանի տնտեսական ապաշրջափակում...»: Եվ այդպես՝ մեղադրանքների ու արդարացումների մի ամբողջ շղթա... Իսկ մինչ ապաշնորհ իշխանությունն ու «հեռատես» տեսաբանները, իրար հաջորդելով, ճգնում եմ «հիմնավորել» սեփական մեղադրանքներն ու արդարացումները, հայը շարունակում է կորցնել վերջին երեսուն տարիների ընթացքում բազում զոհերի ու զրկանքների գնով ստեղծած պետականությունը... Հ. Գ. Ամենացավալին այն է, որ մենք, գրեթե, միշտ կորցնում ենք հենց այսպես...»: |
«Իրանական կողմն այժմ աշխատում է միջուկային համաձայնագրի առաջարկի տեքստի վրա». Արաղչի
312Երեկ, 21:37
«Եվրոպական պատվիրակությունները Ժնևում բանակցությունների ժամանակ նստել էին նախասրահում և սուրճ էին խմում». Լավրով
319Երեկ, 16:16
«Եվրոպացիները ոչնչով չեն կարող օգնել Ուկրաինայի շուրջ բանակցություններին». Պեսկով
326Երեկ, 15:52
«Իրանը բոլորովին դեմ չի լինի խաղալ Թրամփի PR-ի վրա, եթե հաջողվի նրա հետ գալ շահեկան գործարքի». Հակոբ Բադալյան
219Երեկ, 14:06
Արաղչին Գրոսսիի հետ քննարկել է Թեհրանի և Վաշինգթոնի միջև անուղղակի բանակցությունները
279Երեկ, 12:57
Չարլզ 3-րդը իրավապահ մարմիններին տրամադրել է հասանելիություն Էնդրյուի փաստաթղթերին
255Երեկ, 11:07
«Պուտինը միշտ անկեղծ է եղել ինձ հետ». Ուիթքոֆ
241Երեկ, 10:45
«Հուսով եմ՝ առաջիկա շաբաթներին լավ լուրեր կլսեք». Ուիթքոֆ
290Երեկ, 09:52