«Ով Նիկոլի հետ միասին այսօր մասնակցի համերգին՝ կանգնում է զոհված մեր տղերքի արյան վրա». Գեղամ Նազարյան

«Ճշմարտություն սերունդների համար» նախաձեռնության ղեկավար, զոհվածի հայր Գեղամ Նազարյանը Ֆեյսբուքի իր էջում գրել է. «Բոլորի ուշադրությունն եմ հրավիրում։ Խնդրում եմ կարդալ ու տարածել. այսօր երեկոյան ով նիկոլի հետ միասին մասնակցի Ծիծեռնակաբերդի հուշահամալիրի տարածքում կազմակերպված համերգին՝ կանգնում է զոհված մեր տղերքի արյան վրա։ Երաժիշտներ, հրաժարվեք այդ համերգից, հրավիրվածներ՝ մերժեք հրավերը։ Աբգարս զոհվել է, Վարդանը, Կարենը, Արգամը, Արամը, Նարեկը, Ալեքսը, Գոռը, տղերքը զոհվել են հանուն երկրի, նաև ձեզ համար։ Հասկանո՞ւմ եք, նրանք զոհվել են, իսկ դուք գոնե կարողացեք հրաժարվել նվագել նիկոլի ներկայությամբ, հրաժարվեք գտնվել այնտեղ, որտեղ պարտության խորհրդանիշն է։ Միայն չասեք ապրիլի 24 և այլն և այլն։ Առավել ևս ապրիլի 24...»։