«ԱՄՆ-ն քաշեց Էրդողանի սանձերը՝ ցույց տալու համար, թե ում ձեռքին են այդ սանձերը»․ Հակոբ Բադալյան

«Թուրքիան երբեք չի գնա ԱՄՆ-ի հետ լրջագույն առճակատման՝ շատ լավ հասկանալով, որ Արևմուտքից կտրված Թուրքիան արդեն բացարձակապես այլ Թուրքիա է, եթե անգամ այն ղեկավարում է Էրդողանը։ Այս տեսանկյունից, ես կարծում եմ՝ հենց Թուրքիան չի գնա աճակատման»,-Factor tv-ի եթերում՝ անդրադառնալով ԱՄՆ-ի կողմից Ցեղասպանության ճանաչման փաստին, ասաց քաղաքական մեկնաբան Հակոբ Բադալյանը՝ նշելով, որ այդպիսով Բայդենը ցույց տվեց, որ չի խուսափում Թուրքիայի հետ առճակատումից։

Հարցին, թե Բայդենի ղեկավարած ԱՄՆ-ի դիրքն ինչպիսի՞ն կլինի Արցախի հարցում, ի՞նչ հույսեր կարող ենք ունենալ, Հ․ Բադալյանը պատասխանեց․ «ԱՄՆ-ն քաշեց Էրդողանի սանձերը՝ ցույց տալու համար, թե ում ձեռքին են այդ սանձերը, և կարծում եմ՝ Էրդողանը հասկացավ դա։ Հույսով չէ, որ պետք է դիտարկենք՝ ինչ-որ մեկն ինչ-որ բան կանի, որից հույս կունենանք Արցախի հարցում։ Աշխարհաքաղաքական պրոցեսում պետք է փնտրել հնարավորությունների ճանապարհներ՝ հստակ գնահատելով վտանգները։ Կարևոր է, որ մենք հասկանանք՝ ինչ մոտիվացիոն վարքագիծ են դրսևորում ՌԴ-ն, ԱՄՆ-ն և մնացյալ խաղացողները»։

Մանրամասները՝ տեսանյութում։