«Սա իրավական ծաղր է». Արծվիկ Մինասյանը՝ քրոջորդուն կալանավորելու մասին

«Սա իրավական ծաղր է: Կալանավորման հիմքերը ոչ միայն իրականությունից դուրս են, ենթադրյալ ինչ-որ բաներ, այլ ակնհայտորեն վկայում են այն մասին, որ մենք գործ ունենք քաղաքական հստակ պատվերը կատարելու վիճակի հետ»,- այսօր դատարանի մոտ լրագրողների հետ զրույցում ասաց ՀՅԴ ԳՄ անդամ Արծվիկ Մինասյանը՝ անդրադառնալով Հայկ Հեքիմյանի կալանավորմանը:

«Այն բոլոր անձինք, ովքեր կատարում են այս իշխանությունների պատվերը, նույնպես դատապարտվելու են արդար, անաչառ դատարանի կողմից: Կգա ժամանակը և բոլորն իրենց պատիժները կստանան»,- ասաց Ա. Մինասյանը: