«Մի՛ խեղաթյուրեք իմ խոսքը կամ եթե լավ չեք հասկանում, ուշադիր եղեք մի քիչ»․ Հրաչյա Հակոբյան

«Իրենց անկախ հռչակած մի քանի պատգամավորներ դիմում են ԱԺ խմբակցություններին, որ էթիկայի հանձնաժողով ստեղծվի և քննվի այն հարցը, որ ես ասել եմ, թե իբր պետք է ստորացնելով բերման ենթարկել սյունեցիներին»,- այսօր՝ ԱԺ արտահերթ նիստի ժամանակ, արձագանքելով նախկին իմքայլական, այժմ անկախ պատգամավոր Աննա Գրիգորյանի ելույթին, ասաց իմքայլական պատգամավոր Հրաչյա Հակոբյանը։

«Նրանք կամ չեն հասկացել կամ միտումնավոր խեղաթյուրում են իմ խոսքը։ Ես շատ հստակ ասել եմ, որ պետք է ստորացնելով բերման ենթարկեն էն խուլիգաններին, ովքեր հայհոյում են ՀՀ վարչապետին և կողմնակիցներին և դա անում են խուլիգանավարի։ Էնպես որ, խնդրում եմ, մի՛ խեղաթյուրեք իմ խոսքը կամ եթե լավ չեք հասկանում, ուշադիր եղեք մի քիչ»,- ասաց Հակոբյանը։