«Առ այսօր ջանքեր ենք գործադրել, որպեսզի այսպիսի քաղաքական գործընթաց Հայաստանում չմեկնարկի»․ Արմեն Աշոտյան

«Մենք շատ լավ գիտակցում ենք, որ այս դավադիր կապիտուլյանտ իշխանությունների գործելաոճը չի նպաստելու ընտրությունների մաքսիմալ ներառական հավասար պայմանների անաչառ, իրավական գործընթացի վերածվելուն։

Մենք ջանքեր ենք գործադրել առ այսօր, որպեսզի այսպիսի քաղաքական գործընթաց Հայաստանում չմեկնարկի։ Ավաղ, խորհրդարանական ընտրություններն այս պահի դրությամբ դառնում են անխուսափելի»,- ՀՀԿ ԳՄ նիստից հետո լրագրողներին հայտնեց ՀՀԿ փոխնախագահ Արմեն Աշոտյանը։

Ավելի վաղ վերջինը ներկայացրել էր ՀՀԿ-ի դիրքորոշումը՝ խորհրդարանական ընտրություններին մասնակցելու վերաբերյալ։

Արմեն Աշոտյանը նշեց, որ նման դիրքորոշման համար հիմք են հանդիսացել «ընդդիմադիր դաշտի վերջին զարգացումները, ինչպես նաև՝ կապիտուլյանտին օր առաջ գահընկեց անելու հրամայականը»։