«Ո՞նց եղավ, որ սահմանադրությամբ արտահերթ ընտրությունների միակ մեխանիզմն այս աննորմալությունն է». Դանիել Իոաննիսյան

ԻՔՄ ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Որևէ մեկը հարց չի՞ բարձրացնում, թե այդ ո՞նց եղավ, որ մեծն սահմանադրագետների գրած սահմանադրությամբ արտահերթ ընտրությունների միակ մեխանիզմը այս աննորմալությունն է՝ վարչապետի հրաժարական-կրկնակի չընտրություն։
Բոլորը դրած՝ լուրջ-լուրջ խորքային վերլուծություն են անում առ այն, թե արդյո՞ք կառավարությունը (կամ վարչապետը) կարող է պաշտոնավարել հրաժարականից հետո և արդյո՞ք կարող է պաշտոնավարել վարչապետի՝ ԱԺ-ում չընտրությունից հետո։
Բայց որևէ մեկը չի ասում, որ սրանք տեխնիկական քայլեր են՝ ձևական պրոցես է, որն արվում է արտահերթ ընտրություններ սկսելու համար, քանի որ որոշ մեծն սահմանադրագետներ չեն նախատեսել արտահերթ ընտրությունների ավելի ադեկվատ ճանապարհ։
Հ.Գ. Էպիկն այն է, որ ամենաբարձր գոռացողը երկու տարի եղել է սահմանադրությունը գրած մեծն սահմանադրագետի աշխատակազմի ղեկավարը»։