Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Հաշիվները մաքրված են». Էդգար Առաքելյան

«Հաշիվները մաքրված են». Էդգար Առաքելյան
270
Հինգշաբթի, 06 մայիսի, 2021 թ., 15:04

Քաղաքագետ Էդգար Առաքելյանը ֆեյսբուքյան իր էջում գրել է․ «Սերժ Սարգսյանի ու Քոչարյանի պատասխանը Տեր-Պետրոսյանին 2008-ի համար. հաշիվները մաքրված են

Մերժվածներից՝ մերժվածը

Նախ Սերժ Սարգսյանը, ապա Ռոբերտ Քոչարյանը հրապարակայնորեն հրաժարվեցին ընդունել Լևոն Տեր-Պետրոսյանի՝ արտահերթ ընտրություններին միասին գնալու առաջարկը։ Ասել է թե՝ Սերժ Սարգսյանն ու Քոչարյանը ՄԵՐԺԵՑԻՆ Տեր-Պետրոսյանին։

Ու հարց է առաջանում՝ լավ, որքա՞ն պետք է չհարգես վաստակդ ու պայքարի ուղիդ, որքան պետք է փոքրոգությունդ ու ատելությունդ հաղթի քեզ, որ նման առաջարկ անես ընդամենը երեք տարի առաջ ժողովրդի կողմից մերժված ու ժամանակին քո կողմից ավազակապետեր հռչակված անձանց ու, որ ամենասարսափելին է, մերժում ստանաս, ասել է թե՝ մերժվես մերժվածների կողմից։

Ցավով եմ նշում, բայց սա, նախ և առաջ, առաջին նախագահի կողմից ինքնամերժումի ակտ էր, իսկ Սերժ Սարգսյանի ու Ռոբերտ Քոչարյանի մերժումը պատասխանն ու հաշիվների մաքրումն էր Տեր-Պետրոսյանից 2008-ի համար։

Հ. Գ. Փոքրոգություն, մանրախնդրություն, ատելություն... Ահա՛ մեր դժբախտությունների երեք պատճառները»։