«Իմ քայլը» առաջարկեց խորհրդարան անցնելու համար իջեցնել կուսակցությունների անցողիկ շեմը

«ՀՀ ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթը քննարկելիս «Իմ քայլը» խմբակցության ղեկավար Լիլիթ Մակունցը հայտնեց, որ խմբակցությունն առաջարկում է խորհրդարան անցնելու համար իջեցնել կուսակցությունների անցողիկ շեմը և բարձրացնել՝ դաշինքներինը:

«Նախագծով նախատեսվում է իջեցնել կուսակցությունների համար նախատեսված շեմերը՝ 5-ից դարձնել 4%, իսկ դաշինքներինը՝ բարձրացնել: Մինչև 3 կուսակցությունների դեպքում շեմը դարձնել 8%, իսկ 4 և ավելի կուսակցություններից բաղկացած դաշինքների դեպքում՝ դարձնել 10 տոկոս»,- ասաց Մակունցը։