«Թե՛ Սյունիքում, թե՛ այլուր, որտեղ այս պահին էսկալացիա է, կանգնած են ոչ թե ֆրանսիական կամ ամերիկյան զորքեր, այլ՝ ռուսական»․ Աբովյանը՝ Բաբաջանյանին

«Հիշեցնեմ, որ թե՛ Սյունիքում, թե՛ այլ վայրերում, որտեղ այս պահին գնում է էսկալացիա, կանգնած են ոչ թե ֆրանսիական կամ ամերիկյան զորքեր, այլ՝ մեր ռազմավարական, եղբայրական պետության զինվորները, որոնք մեզ հետ հավասար պայքարում են մեր խնդիրները լուծելու համար»,- այսօր՝ ԱԺ արտահերթ նիստի ժամանակ, ի պատասխան անկախ պատգամավոր Արման Բաբաջանյանին, ասաց ԲՀԿ պատգամավոր Արման Աբովյանը։
«ՌԴ-ը հաստատ չի լռում․ բավականին ինտենսիվ գործընթացներ են ընթանում միջպետական մակարդակով, և Սյունիքում այս պահին տեղակայված են մեր ռազմավարական գործընկերոջ զորքերը, որը զսպում է ագրեսորին»,- հավելեց Աբովյանը։