Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Վարչապետի պաշտոնակատարն ո՞ւմ հետ պետք է քննարկեր այս փաստաթուղթը, միգուցե ֆուտբոլի կամ լողի ֆեդերացիայի հե՞տ»․ Նաիրա Զոհրաբյան

«Վարչապետի պաշտոնակատարն ո՞ւմ հետ պետք է քննարկեր այս փաստաթուղթը, միգուցե ֆուտբոլի կամ լողի ֆեդերացիայի հե՞տ»․ Նաիրա Զոհրաբյան
373
Հինգշաբթի, 20 մայիսի, 2021 թ., 19:05

«Որտե՞ղ են կառավարության պաշտոնակատարները․ քիչ առաջ ՀՀ ԱԳ նախարարի տեղակալ Ավետ Ադոնցը հայտարարեց, որ ԱԳՆ-ն ընդհանրապես տեղյակ չէ այս գործընթացներից՝ ինչ փաստաթուղթ պետք է ստորագրվի, ինչ՝ չէ։ Նույնաբովանդակ հայտարարություն արեց նաև ՀՀ նախագահը․ ուզում եմ գնահատեք, վարչապետի պաշտոնակատարն ո՞ւմ հետ պետք է քննարկեր այս փաստաթուղթը, միգուցե ֆուտբոլի՞, կամ լողի ֆեդերացիայի հե՞տ։ Չկա մեկը, որ այս ադեկվատ հարցերն ուղղենք։ Ի՞նչ ինստիտուտ է դա, որ միանձնյա որոշումներ է իրականացնում, ինչքա՞ն պետք է ժողովրդի անունից հայտարարություններ անի»,- ԱԺ արտահեթ նիստում՝ դիմելով հիմնական զեկուցող, ԼՀԿ խմբակցության ղեկավար Էդմոն Մարուքյանին, հարցրեց պատգամավոր Նաիրա Զոհրաբյանը։

Արձագանքելով՝ Է․ Մարուքյանն ասաց․ «Այն, որ իրազեկված չենք ո՛չ մենք, ոչ նախագահի ինստիտուտը, ո՛չ ԱԳՆ-ը, բնականաբար, նույն իրավիճակի կրկնությունն է։ Խոսք է տրվել ժողովրդին, որ ժողովրդի թիկունքում գաղտնի որևէ ձևով չի բանակցվի և ստորագրվի որևէ փաստաթուղթ, որը կապված է ՀՀ շահերի հետ։ Հիմա էդ խոստումն ենք էստեղ քննարկում։ Լավ օրից չի, որ մենք կասկածներ ունենք, քանի որ ունենք նոյեմբերի 9-ի օրինակը»,- ասաց ԼՀԿ պատգամավորը։

Հիշեցնենք, որ այս պահին ԱԺ-ում քննարկվում է հայ-ադրբեջանական սահմանին դելիմիտացիա, դեմարկացիա իրականացնելու վերաբերյալ փաստաթուղթը։

Նշենք, որ քննարկմանը ներկա չեն կառավարության պաշտոնակատարները։