«Որոշել եմ չառաջադրվել արտահերթ ընտրություններին». Սասուն Միքայելյան

ԵԿՄ վարչության նախագահ, «Իմ քայլը» խմբակցության պատգամավոր Սասուն Միքայելյանը հանդես է եկել հայտարարությամբ․

«Հետպատերազմյան շրջանում ներքաղաքական վիճակն էլ ավելի չսրելու մտահոգությունից ելնելով միայն ձեռնպահ եմ մնացել հրապարակային ակտիվ քաղաքական որևէ դիրքորոշում հայտնելու գայթակղությունից՝ գիտակցելով, որ ցանկացած դժգոհության կամ քննադատության արտահայտությաբ երկրապահը կներքաշվեր քաղաքական գործընթացների մեջ, ինչը կարող էր հանգեցնել անկանխատեսելի հետևանքների։
Ներքաղաքական իրավիճակը հանգուցալուծելու, ժողովրդի կողմից նոր իշխանություն ձևավորելու ընդունելի միակ ճանապարհը համարել եմ արտահերթ ընտրությունների անցկացումը, որին հնարավորինս նպաստել եմ այս ամիսների ընթացքում։
Լինելով Արցախյան հաղթական ազատամարտի զինվոր և հրամանատար, ԵԿՄ վարչության նախագահ՝ անընդունելի եմ համարում անհասկանալի այս պատերազմում պարտվածի կարգավիճակի գիտակցմանը համակերպվելը, ինչը հարիր չէ իմ ու իմ կողմից ղեկավարվող կառույցի անցած ճանապարհին ու առաքելությանը։
Նման և այլ հանգամանքներից ելնելով՝ որոշել եմ չառադրվել որպես թեկնածու հունիսի 20-ին կայանալիք արտահերթ խորհրդարանական ընտրություններին՝ մնալով հավատարիմ իմ ժողովրդին, երկրապահին ու իմ կոչմանը»։