«Քարտեզ, որն արտացոլում է ադրբեջանցիների վերջնական նպատակները՝ սահմանների «ճշգրտման» գործընթացում»․ Արման Աբովյան

ԲՀԿ-ական պատգամավոր Արման Աբովյանը ֆեյսբուքյան իր էջում գրել է. «Երբ մարդիկ դեմքի լուրջ արտահայտությամբ շարունակում են խոսել ակնհայտ հակահայկական ծրագրերի իրականացման մասին, օրինակ՝ դելիմիտացիայի, դեմարկացիայի կամ կոմունիկացիաների բացման «հայանպաստ» լինելու մասին, միանգամից հարց է ինձ մոտ առաջանում․ իրենք իրականում հավատո՞ւմ են, որ ոչ ոք չի հասկանում այդ ծրագրերի իրական էությունը, թե՞ հույս ունեն, որ հայերը զանգվածաբար կորցրել են ինքնագիտակցությունը և համաձայն են սուս-փուս գնալ թուրքի յաթաղանի տակ։
Չեմ ուզում խորանալ այս (առայժմ) իշխանության դրդապատճառների էութան մեջ, սակայն խնդրում եմ դադարել մարդկանց խեղաթյուրել, խաբել և պղծել տարատեսակ ամպագոռգոռ հայտարարություներով՝ իբր իրենք ինչ անում են, անում են հօգուտ երկրի և ժողովրդի։
Ստորև ներկայացնում եմ այն քարտեզը (բաց աղբյուրներից է, ի դեպ), որն արտացոլում է ադրբեջանցիների վերջնական նպատակները սահմանների իբր «ճշգրտման» գործընթացում։
Սա զուտ, որ իշխանավորները ծանոթանան թուրքերի և ադրբեջացիների իրական տեսլականին։
Մարդ ես, էլի...»։