Ուրբաթ, 22 սեպտեմբերի, 2023 թ.
|
Ստեփանակերտում`   +17 °C

«Ազնավուրի կիսանդրիները՝ 1-ը՝ Փարիզում, 2-ը՝ Հայաստանում. պատժի միջոցներ պիտի մտածել». Ն. Եղիազարյան

«Ազնավուրի կիսանդրիները՝ 1-ը՝ Փարիզում, 2-ը՝ Հայաստանում. պատժի միջոցներ պիտի մտածել». Ն. Եղիազարյան
389
Կիրակի, 23 մայիսի, 2021 թ., 23:25

Հայաստանի ազգային պատկերասրահի թանգարանային կառավարման գծով փոխտնօրեն, նկարչուհի Նաիրա Եղիազարյանը ֆեյսբուքյան իր էջում գրել է. «Երեկ Փարիզում ու Ստեփանակերտում բացվել են Շառլ Ազնավուրի կիսանդրիները: Ես տեղադրել եմ նաև Գյումրիում տարիներ առաջ բացված մեծ հայի արձանը:
Երեքի քանդակագործներն էլ հայեր են:
Հիմա ինձ բացատրեք, թե ինչու՞ է Փարիզում բացված՝ Ալիս Մելիքյանի ստեղծած քանդակում Ազնավուրն այսքան պոետիկ, արտիստիկ, թեթև ու արվեստային (առաջին լուսանկար), իսկ արցախյան (լուս.2) և հայաստանյան (լուս.3) տարբերակներում՝ քառակուսի, անդեմ, վախենալու աչքերով կերպար:

Շառլ Ազնավուրի կիսանդրին Փարիզում
Շառլ Ազնավուրի կիսանդրին Փարիզում
Շառլ Ազնավուրի կիսանդրին Ստեփանակերտում
Շառլ Ազնավուրի կիսանդրին Ստեփանակերտում
Շառլ Ազնավուրի կիսանդրին Գյումրիում
Շառլ Ազնավուրի կիսանդրին Գյումրիում

Դե հավերժության նշանն էլ՝ որպես գերեզմանաքարի պարտադիր նախշ, անպայման՝ առկա:
Լավ, այս քանդակագործները երբևէ Ազնավուրի երգերը չե՞ն լսել:
Ախր ո՞նց կարելի է այս ֆրանսիական ոգով, ճաշակով, արտիստիզմով ու խարիզմայով լի մարդուն այսքան սարսափելի դեմքով քանդակել...
Թեև քանդակագործներին չեմ մեղադրում, յուրաքանչյուրը քանդակում է այնպես, ինչպես տեսնում է, զգում է ու կարողանում է:
Պատժի միջոցներ պիտի մտածել արձանները հաստատող հանձնաժողովի անդամների համար...
Հերիք եղավ էլի»: