«Լևոն Տեր-Պետրոսյանը շարունակում է կռվել քսաներկու տարի առաջ մահացած Վազգեն Սարգսյանի հետ». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է․ «Լևոն Տեր-Պետրոսյանը շարունակում է կռվել քսաներկու տարի առաջ մահացած Վազգեն Սարգսյանի հետ՝ նրան համարելով վերջին պատերազմի պարտության պատասխանատուներից և իրեն հարմար ձևերով է մեկնաբանում նրա մտքերը:

Իր հոդվածում նա գրում է. «Պատկերավոր ասած՝ թվարկածս բոլոր ուժերը, Նիկոլ Փաշինյանի եզրափակիչ դերակատարությամբ, փայլուն կերպով իրականացրին Վազգեն Սարգսյանի երկու «պատվիրանները».

ա. «Արյունով նվաճված հողը թղթով չեն հանձնում» — այսինքն՝ հանձնում են ավելի մեծ արյունով, ինչը և տեղի ունեցավ:

բ. «Փոխզիջման կգնանք այն ժամանակ, երբ հարկադրված կլինենք» — իսկ հարկադրված լուծումը ոչ այլ ինչ է, եթե ոչ կապիտուլյացիա, ինչը նույնպես իրականություն դարձավ»:
Իսկ ժամանակին ասում էր. «Բոլոր նախարարներով Վազգենի ճկույթը չարժեք»»: