Նաիրա Զոհրաբյանը՝ ԲՀԿ-ից դուրս գալու իր քայլի մասին

Պատգամավոր Նաիրա Զոհրաբյանն այսօր «Ազատություն» ռ/կ-ի եթերում անդրադարձավ «Բարգավաճ Հայաստան» կուսակցությունից դուրս գալու իր որոշմանը:

«Իմ դուրս գալու դրդապատճառների մասին ես չեմ խոսել և չեմ խոսելու ո՛չ այսօր, ո՛չ վաղը: ԲՀԿ-ն իմ կյանքի մի կարևորագույն հատվածն է եղել, և եթե երբևէ ինձ որևէ անվայելուչ հայտարարություն թույլ տամ, դա կնշանակի, որ ես առաջինն ինձ չեմ հարգի: Այդ որոշումը եղել է շատ երկար ամիսների մտածված, ապրված, շատ դժվար կայացված որոշում»,- ասաց նա:

Հարցին, թե այդ դեպքում ինչո՞ւ դուրս չի գալիս նաև «Բարգավաճ Հայաստան» խմբակցությունից, Զոհրաբյանը պատասխանեց. «Գիտեք, լուծարված խորհդարանի խմբակցությունից դուրս գալը իմաստ չունի: Այդ մասով չեմ ուսումնասիրել օրենսդրությունը, բայց զուտ տրամաբանելով՝ կարծում եմ, որ էդպիսի ընթացակարգ անգամ չկա»:

Մանրամասները՝ տեսանյութում: