Երևանի ավագանու որոշ անդամներ դադարեցրել են իրենց լիազորությունները

Այսօր՝ Երևանի ավագանու նիստի ժամանակ, քաղաքապետ Հայկ Մարությանը հայտարարեց, որ ավագանու «Բարգավաճ Հայաստան» խմբակցության անդամ Հռիփսիմե Առաքելյանը դիմում է ներկայացրել ավագանու անդամի լիազորությունները դադարեցնելու մասին, և նրա մանդատը տրվել է նույն խմբակցության անդամ Քրիստինա Վարդանյանին։ Մարությանը նշեց, որ Հռիփսիմե Առաքելյանի փոխարեն այսուհետ խմբակցության քարտուղարն է Մարկոս Հարությունյանը։

Քաղաքապետը հայտնեց նաև, որ «Իմ քայլը» կուսակցությունների դաշինքի ավագանու անդամներ Աննա Ջավախյանը և Էդգար Բարսեղյանը դիմումներ են ներկայացրել Երևանի ավագանու անդամի լիազորությունները դադարեցնելու մասին:

Աննա Ջավախյանի մանդատը տրվել է «Իմ քայլից» Վիլեն Գայֆեջյանին, Էդգար Բարսեղյանի մանդատը՝ Նարեկ Պետրոսյանին: