«Պայմանավորված բացակայություններ են դատական նիստից»․ մեղադրող դատախազ

Այսօր՝ Ռոբերտ Քոչարյանի և Արմեն Գևորգյանի գործով դատական նիստի մեկնարկին, դատավոր Աննա Դանիբեկյանը հայտարարեց, որ Արմեն Գևորգյանի պաշտպան Էրիկ Ալեքսանյանից ստացել է միջնորդություն այն մասին, որ սույն թվականի մայիսի 24-ից մինչև հունիսի 9-ը ներառյալ գտնվելու է արձակուրդում, և խնդրել է դատական նիստը նշանակել հունիսի 9-ից հետո։

«Նորմալ ա՞ այն պրոցեսը, երբ մենք դատական նիստի օրվա մասին պայմանավորվում ենք, գնում են արձակուրդ․․․ Բացակայությունը հարգելի է չէ և արդեն հասնում է դատարանի նկատմամբ անհարգալից վերաբերմունքի մակարդակի»,- դիմելով դատարանին՝ նկատեց մեղադրող դատախազը և համոզմունք հայտնեց, որ պայմանավորված բացակայություններ են դատական նիստից։