«Դժվար է տարանջատել՝ Խաչատուր Սուքիասյանը գործարար է, թե քաղաքական գործիչ»․ Հրաչյա Հակոբյան

Ինչպես արդեն հայտնել ենք, «Քաղաքացիական պայմանագիր» կուսակցության ընտրացուցակի առաջին հնգյակում է ընդգրկվել հայտնի գործարար, ԱԺ նախկին պատգամավոր Խաչատուր Սուքիասյանը։

Այսօր՝ լրագրողների հետ զրույցում, իմքայլական պատգամավոր Հրաչյա Հակոբյանը, անդրադառնալով դիտարկմանը, թե Նիկոլ Փաշինյանը 2018-ին հայտարարել էր, որ բիզնեսն ու քաղաքականությունը պետք է իրարից տարանջատված լինեն, ասաց․ «Գիտե՞ք, իմ կարծիքով դժվար է տարանջատել՝ Խաչատուր Սուքիասյանը գործարար է, թե քաղաքական գործիչ, որովհետև Սուքիասյանները չորս եղբայր են և ամենքը մի ոլորտում ունեն բիզնես։ Խաչատուր Սուքիասյանը, միգուցե, ունի մի բիզնես, որը հանձնված է կառավարման, ես մանրամասներին չեմ տիրապետում»։

Հրաչյա Հակոբյանի կարծիքով Խաչատուր Սուքիասյանն ավելի շատ քաղաքականությամբ է զբաղվել և նույնիսկ քաղաքական հետապնդման է ենթարկվել, քան բիզնեսով։