Բաքվի բռնապետը հայտարարում է, որ կգնա Սյունիքի իր պապական տունը». Կ. Հովհաննիսյան

Ռազմագետ Կարեն Հովհաննիսյանը ֆեյսբուքյան իր էջում գրել է. «Ռազմական հանցագործ Բաքվի բռնապետ Իլհամ Ալիևը հայտարարում է, որ իր պապական տունը Սյունիքում է, հայտարարում է, որ կգնա իր պապական տունը։
Այս ֆոնի վրա ուզում եմ հիշեցնել Բաքվի բռնապետի մեկ այլ մտքի գոհար, որ շաղ էր տվել իր ցեղակիցների մոտ։ Ասել էր, որ Երևան են մտնելու, բայց ոչ տանկերով։ Բաքիվ բռնապետ Ալիևի այս և մնացած հայտարարությունները պարզապես պետք է ցուցակագրվի և ներկայացվի միջազգային հանրությանը։ Ես կրկին պնդում եմ, որ մենք միջազգային ասպարեզում պետք մշտապես խնդիրներ ստեղծենք այս արարածի և իր արհեստածին պետության համար։ Սրանք պետք է իրենց ռեսուրսների և միջոցների հսկայական մասը պետք է ծախսեն, որպեսզի չեզոքացնեն այդ խնդիրները և խնդիրներից եկող վնասները, պարզապես չպետք է թույլ տանք, որ իրենք այլ տեղ ռեսուրս և միջոց ծախսեն։ Էլ ոնց ասեմ»: