«Մոբիլիզացիոն ռեսուրսի կայացման անհրաժեշտության առաջ ենք կանգնած»․ Անդրանիկ Քոչարյան

«Կարծում եմ՝ ժամանակն է, որ մտածենք մոբիլիզացիոն ռեսուրսի կարգավորման մասին և բոլոր սցենարներն ունենանք մեր տեսադաշտում»,- այսօր՝ լրագրողների հետ ճեպազրույցում, հայտարարեց ԱԺ «Իմ քայլը» խմբակցության պատգամավոր, Պաշտպանության ևանվտանգության հարցերի մշտական հանձնաժողովի նախագահ Անդրանիկ Քոչարյանը՝ նշելով, որ իրավիճակը կարող է նորից գնալ բարդացման։

«Մենք ունենք սահմանային լարվածության աճ և այդ լարվածություններըը պետք է փորձենք կանխել․ ոչ միայն ԶՈՒ-ի կառավարելիության մակարդակը պետք է ունենա թռիչքաձև զարգացում, այլև օգտագործվող ուժերի՝ իրական մոբիլիզացիոն ռեսուրսի կայացման անհրաժեշտության առաջ ենք կանգնած»,- նկատեց նա։

Հարցին, թե ինչու պատերազմից հետո չեն զբաղվել դրանով, Քոչարյանը պատասխանեց․ «Հիմա ենք անում, ուրեմն դրա հնարավոությունը երևի չենք ունեցել»։