«Վերջին շրջանում կարծես թե հաճախակիացել են զենքով քրեական ռազբորկաներն ու սպանությունները». Հ. Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Երևանի կենտրոնում կրակում և մարդ են սպանում, ասում են Դոն Պիպոյի ընկերոջը: Նախօրեին էլ եղբորն էին սպանել: Ընդհանրապես, վերջին շրջանում կարծես թե հաճախակիացել են զենքով քրեական ռազբորկաներն ու սպանությունները: Էստեղ ահռելի անելիք ունի իրավապահ համակարգը, հատկապես նկատի ունենալով, որ երկիրը արտաքին անվտանգային բարդ միջավայրում, ներքաղաքական անկայուն մթնոլորտում և նախընտրական շրջանում է: Դոն Պիպոյի ընկերը գուցե չի զբաղվում հիբրիդային պատերազմով, բայց հիբրիդային պատերազմը կարող է ըւստ անհրաժեշտության զբաղվել Դոն Պիպոյի ընկերոջով, պայմանական ասած: Հետևաբար Հայաստանի իրավապահ համակարգը պետք է բազմապատիկ աչալուրջ և արդյունավետ զբաղվի իրավակարգի և հանրային անվտանգության ապահովման իր գործով:
Հ.Գ. ասվում է, որ Պիպոյի եղբայրը չէ, նրա վարորդն է, եղբայրը մահափորձից մնացել է ողջ: Ցավալի է անշուշտ որևէ մահ, դրանով հանդերձ սակայն հանրային շահի տեսանկյունից խնդիրը չի փոխվում որևէ կերպ, եթե անգամ չլինի որևէ զոհ: Երևանի այն էլ կենտրոնում զինված այդօրինակ միջադեպը մարտահրավեր է հասարակական կարգին և պետական անվտանգությանը, հատկապես երբ տեղի է ունենում գրառման առաջին մասում նկարագրածս իրավիճակում»: