««Հայաստան» դաշինքը դավաճանի հետ քննարկելու, բանավիճելու որևէ հարց չունի». Իշխան Սաղաթելյան

«Հայաստան» դաշինքի անդամ, ՀՅԴ ԳՄ ներկայացուցիչ Իշխան Սաղաթելյանն այսօր մամուլի ասուլիսի ժամանակ հայտարարեց, որ Նիկոլ Փաշինյանն իր թիմով ընտրություններից հետո ոչ մի շանս չի ունենա վերարտադրվելու: Որպես իր խոսքերի ապացույց Սաղաթելյանը նշեց, որ մի շարք ուժեր արդեն իսկ հայտարարել են, որ դաշինք չեն կազմի «Քաղաքացիական պայմանագրի» հետ:

Խոսելով առաջին համարների նախընտրական բանավեճի մասին՝ Սաղաթելյանն ասաց. «Մի քանի ուժեր արդեն հայտարարել են, որ չեն պատրաստվում կապիտուլյանտ, դավաճանի հետ համագործակցել, այդ թվում՝ բանավեճի մակարդակով: «Հայաստան» դաշինքը շատ հստակ արտահայտել է իր դիրքորոշումը, որ մենք դավաճանի հետ քննարկելու, բանավիճելու որևէ հարց չունենք: Մենք ունենք մեկ օրակարգ՝ քշել այս չարիքին իշխանությունից»: