«Ինչպե՞ս եղավ, որ մեր հերոս տղաների դիակները, կարտոֆիլի նման պարկերով լցված, տեղափոխվում էին դիահերձարանից դիահերձարան»․ Ն․ Զոհրաբյան

«Այսօր, այս դահլիճում վիրտուալ իրականությունից պիտի վերադառնանք ռեալ կյանք և քննարկենք, թե այդ ինչպես եղավ, որ մեր հերոս տղաների դիակները, կարտոֆիլի նման պարկերով լցված, տեղափոխվում էին դիահերձարանից դիահերձարան»,- ԱԺ ամբիոնից հայտարարեց պատգամավոր Նաիրա Զոհրաբյանը։

«Ինչպե՞ս եղավ, որ պատասխանատվության է ենթարկվում ընդամենը սանիտարը և բաժնի պետը, որոնք, ըստ էության, մեղավոր չեն, որովհետև Կոտայքի դիահերձարանում ընդամենը տասը դիակի տեղ կա»,- նկատեց պատգամավորը։

Զոհրաբյանի խոսքով՝ հայտարարվում է, որ կարող են լինել նաև ադրբեջանցիների դիեր։

«Կարո՞ղ է մի օր էլ հայտարարեք, որ ծնողներից մեկին տվել եք ադրբեջանցու դիակ և նա ամեն օր խնկարկում է այն»,- ասաց նա։