«Տիկի՛ն Մակունց, էն օրը նեղվեցիք արտահայտությունիցս»․ Սոֆյա Հովսեփյան

«Պետությանն ու ժողովրդին ահռելի ապտակ է հասցվել, և որևէ մեկդ վերաբերմունք չեք ցուցաբերում»,- այսօր, ԱԺ ամբիոնից, անդրադառնալով դիահերձարանի հատակին պոլիէթիլենային տոպրակներում պահվող զինվորների դիերի դեպքին, ասաց անկախ պատգամավոր Սոֆյա Հովսեփյանը։

«Ձեզ համար նորմա՞լ է առողջապահության նախարարի պաշտոնակատարի հերքումները, բացատրությունները։ Նորմա՞լ է, որ երեկ՝ առավոտյան, հերթական անգամ զինվորների նկատմամբ ադրբեջանցիները, տիկի՛ն Մակունց, էն օրը նեղվեցիք արտահայտությունիցս, կրկնում եմ՝ ստորացուցիչ վերաբերմունք են ցուցաբերել․․․»,- ասաց Հովսեփյանը։

«Ես կխնդրեմ, որ այսօրվա արտահերթ նիստի ժամանակ ելնեք և ձեր վերաբերմունքն արտահայտեք առողջապահության նախարարի պաշտոնակատարի նկատմամբ»,- դիմելով իշխող թևին՝ ասաց պատգամավորը։