«Չեղարկելո՞ւ եք փաստաթուղթը»․ Պետրոս Ղազարյանը՝ Արթուր Վանեցյանին

«Սրանք կզել և ստորագրել են մի փաստաթուղթ։ Ալիևը հայտարարում է, որ մինչև այսօր ես չգիտեմ, թե որ պատի տակ է ստորագրվել այս փաստաթուղթը։ Հայաստանի կողմից դրան ոչ մի պատասխան չկա»,- Հ1-ի եթերում անդրադառնալով նոյեմբերի 9-ի եռակողմ ստորագրված փաստաթղթին, ասաց «Պատիվ ունեմ» դաշինքի վարչապետի թեկնածու Արթուր Վանեցյանը։

Պ․ Ղազարյանի դիտարկմանը, թե՝ եթե դուք ասում եք, նոյեմբերի 9-ի թուղթը կապիտուլյացիայի թուղթ է, մենք կզել ենք և այլն, բայց դրանից հետո ասում եք՝ չենք չեղարկելու, դա չի՞ նշանակում, որ դուք էլ եք կապիտուլյացիայի գործի շարունակողը դառնալու, Վանեցյանն արձագանքեց․ «Մենք չենք ասում, որ այդ փաստաթուղթը շարունակելու է գործել․․․»։ «Ուրեմն չեղարկելո՞ւ եք»,- հաղորդավարի հարցապնդմանը՝ Ա․ Վանեցյանն այսպես պատասխանեց․ «Ես ասում եմ, որ մենք պատերազմ չենք բերելու։ Ես ասում եմ՝ Հայաստանի Հանրապետությունն այնքան է հզորանալու, որ կարողանալու է առաջ մղել ՀՀ պետական շահերը»։